المحتوى
جربت قبل كدا تبيع منتج اونلاين وفشلت؟
هل سألت نفسك ليه في حملات إعلانيه بتنجح وتحقق مبيعات وحملات تانيه فشلت؟
السبب الرئيسي لفشل الحملات الإعلانيه هو المحتوي من غير كتابه محتوي مناسب أعرف أن كل مجهودك هيضيع حتى لو كان منتجك أحسن منتج فالسوق.
والحل، هقولك أزاي تكتب محتوي زي المحترفين في أربع خطوات بس ركز معايا بقي عشان الأخيرة مهمه ….
الخطوة الأولى:
بلاش تتكلم عن مميزات المنتج بس لأن ده بيبين محتواك إنه إعلان والناس في كل مكان بتتعرض لإعلانات، إتكلم عن منافع المنتج. إفهم عميلك كويس، وإسأل عميلك القديم عن منتجك لو شغال اونلاين ابعتلهم فورم تعرف منهم معلومات عن المنتج هل كان كويس ولالا؟
ايه المشاكل اللي بتواجههم في اِستخدام المنتج؟
وايه المطلوب في المنتج عشان يناسب احتياجاتهم؟
لو لسه بتقرأ البوست فأنت حد مثقف وبتحب تتعلم يلا نكمل …
الخطوه التانية:
أتكلم باللهجه المناسبه اللي عميلك يفهمها أحنا اتفقنا أنك لازم تفهم عملائك كويس، يعني لو بتبيع منتج بيخاطب فئه معينه خلي محتواك ملائم للفئه دي، مثلاً محتوي موجه للأطفال يختلف عن محتوي تاني موجه للشباب، أتكلم في كل الحالات بلهجه مفهومة وبلاش العبارات المنتشرة زي “نحن نختلف عن الآخرون” إستخدم عبارات بسيطه وركز علي النقط المهمه ده هيخلي أن توصل رسالتك أسهل.
قبل الخطوه التالته لازم تعرف اهميه الصبر وبلاش إستعجال النتايج.
“يستغرق النمو وقتاً أطول بكثير مما تعتقد وبعد ذلك يحدث أسرع بكثير مما تتوقع”
المبدع Hasan Mattar
الخطوه الثالتة:
إستخدم مؤثرات بصريه دايماً، البوستات اللي فيها مؤثرات بصريه بتكون جذابه أكتر، المؤثرات ممكن تكون فيديو شرح طريقة اِستخدام المنتج او إنفوجرافيك أو صوره.
الخطوه الرابعة:
إستخدم عبارات في النهايه بتخلي العملاء ياخدو بيها قرار زي اعرف أكتر عن المنتج أو احجز طلبك الآن.
