انا النهارده قمت من النوم في شهر رمضان الكريم الساعه ٢ ظ كنت بصراحه تعبانه وزهقانه لان كنت قبلها بيومين منمتش نهائى علشان كنت بعمل الكحك والبسكوت في البيت وبعدين قمت جري اشوف هنفطر ايه طلعت اللحمه المفرومه تفك وجريت اشوف فساتين بناتي عند الخياط انا اول مره اخيط لهم بس إرهاق وشدت أعصاب ومش عارفه هيطلعوا حلوين ولا لا طلعوا علي الاد كده مش عجباني اوي مش زي الجاهز طبعا المهم وكنت حاجزه حافظه سجاد كل مااعدي عليها اديها جزء من الفلوس لحد ماخلصتها النهارده الحمدلله وأخذتها ورجعت العمل الكفته والمكرونه بسرعه وبعدين فطرنا الحمدلله وانا طلعت جوزي للشغل ونمت انا لحد الساعه ١١ ما انتوا عارفين رمضان مش فيه نوم امي اتصلت وانا كلمتها لما صحيت الساعه ١١ كانت زعلانه اوي لاني مروحتش بس غصب عني من تعب نمت تفتكروا انا غلط ولا غصب عني ولااعمل ايه ماانا البنت الوحيده علي ٣ صبيان
